Геннадий Головкин «Канело»га қарши жанг ҳақида: «Хато қилдим, ҳаммаси яхши томонга ўзгарганда эса кеч бўлганди»

Ўрта вазн тоифасида IBF ва WBA камарлари соҳиби Геннадий Головкин супер ўрта вазннинг мутлақ чемпиони Сауль Альваресга қарши ўтган жангдаги мағлубиятидан кейин ўз фикрлари билан ўртоқлашди.

Жанг борасида

Бу жуда ақлли жанг бўлди, унда жуда кўп тактика бор, худди шахматда бўлгани каби. Бу баҳсда «Канело» яхшироқ чиқди.

Беллашувнинг иккинчи қисмида жанг боришини ўзгартиришга уриндим. Ўзимни ёмон ҳис қилмадим. Яхши жанг бўлди

Барча билади, бу юқори даража, боксдаги энг яхши беллашув. «Канело» ким эканини ҳамма билади. Ҳар бир нотўғри қўйилган қадам ва жанг якунланади.

Агар зарба ўтказиб юборсанг, у ҳолда жанг тугайди. Иккимизнинг юзимизга боқинг, улар тоза. Чунки бизда юқори даражадаги тайёргарлик бўлди ва уни жангда намойиш қилдик.

Жангдаги хатоси ҳақида

Мен томондан йўлга қўйилган хато ҳаммасини аста-секинлик билан бошлаш бўлди. Жанг қандай ўтиши ва қай тариқа ривож топишини кўрмоқчи бўлдим.

Иккимиз ҳам кузатувдан бошладик ва бу жараён чўзилиб кетди. Ҳаммаси ўхшашни бошлаганда эса аллақачон кеч бўлганди.

«Канело» билан душманлик ҳақида

Бизнинг душманлигимиз юз фоиз тугади. Бу худди баскетболдаги каби, Леброн ва Кобе, Майкл Жордан ва Кобе қарама-қаршилигига ўхшайди.

Келажаги борасида

Фаолиятимни давом эттираман, бунга шак-шубҳа йўқ. Менда ажойиб режа бор.

Альварес ва бокс мухлисларини табриклайман. Менда ўрта вазннинг учта камари борлиги ёдингизда бўлса керак. Мен қайтаман. Ҳамон чемпионман, йигитлар.

Геннадий Головкин, боксчи