Lotte City Hotel Tashkent Palace mehmonxonasidagi davlat ulushini xususiylashtirish jarayonining Aktivni sotib olish bo‘yicha qiziqish bildirish bosqichi boshlangan. Bu haqda Davlat aktivlarini boshqarish agentligi xabar bermoqda.
Ushbu davlat aktivini xususiylashtirish jarayonlarini amalga oshirish uchun KPMG Valuation and Consulting kompaniyasi maslahatchi sifatida jalb etilgan.
2022-yil 8-avgustga qadar MDH davlatlari, janubiy Osiyo va Yevropa mamlakatlaridan 15 nafar xalqaro va mahalliy investorlar tomonidan sotib olish bo‘yicha qiziqish bildirish to‘g‘risidagi arizalar KPMG kompaniyasiga kelib tushgan.
KPMG kompaniyasi tomonidan 2 nafar talabgor arizalari navbatdagi bosqichga o‘tkazilmadi va qolgan barchasi keyingi bosqichga o‘tkazildi.
Aktivni sotib olish bo‘yicha qiziqish bildirish bosqichidan o‘tgan talabgorlarga xususiylashtirish jarayonlarining kelgusi Majburiyatga ega bo‘lmagan taklif qabul qilish bosqichida ishtirok etish uchun taklif qilinadi hamda ularga ushbu bosqich jarayonlari to‘g‘risidagi xat yuboriladi.
Kompaniyasi tomonidan mehmonxonani sotib olish narxi bo‘yicha majburiyatga ega bo‘lmagan takliflar joriy yil 7-oktabrga qadar qabul qilinadi.
Avvalroq Angren truba zavodini xususiylashtirish jarayoni davom etayotgani haqida xabar berilgandi.
Izoh (0)