«ЎзГАШКЛITI» компанияси устав капиталидаги 100 фоиз давлат улушини 133,7 млрд сўмга сотиб олиш бўйича шартнома имзоланди. Бу ҳақда Давлат активларини бошқариш агентлиги хабар бермоқда.
«ЎзГАШКЛITI» қандай компания?
«Қурилиш, геоинформатика ва шаҳар кадастрида муҳандислик тадқиқотлари давлат лойиҳа-тадқиқот институти» ДУК («ЎзГАШКЛITI» ДУК) 1963 йилда ташкил этилган ва ўз фаолиятини Ўзбекистон давлат муҳандислик-техник тадқиқотлар институти сифатида бошлаган.
Кейинчалик инвесторларга сотиш мақсадида 2021 йил август ойида Компания масъулияти чекланган жамият сифатида қайта ташкил этилган.
Жойлашган манзили: Тошкент шаҳри, Чилонзор тумани, Қатортол кўчаси 38. Майдони 0,21 га. Бино ва иншоотларнинг майдони 5 079 квадрат метр. Ходимларнинг умумий сони 738 киши.
2020 йил давомида «ЎзГАШКЛITI» томонидан 104,1 миллиард сўмлик ишлар бажарилиб, 4,6 миллиард сўм соф фойда олинган.
Аввалроқ Тошкент вилоятидаги «Пирамида» дам олиш маскани 208 млрд сўмга сотилгани ҳақида хабар берилган эди.
Изоҳ (0)