Rossiyaning “Rosatom” davlat korporatsiyasi O‘zbekiston Fanlar akademiyasi Yadro fizikasi instituti bilan tuzilgan shartnoma asosida O‘zbekistondagi tadqiqot reaktori uchun innovatsion yadro yonilg‘isini yetkazib beradi. Bu haqda kompaniya matbuot xizmatiga tayanib “TASS” xabar bermoqda.
O‘zbekistonga yadro yoqilg‘isi yetkazib berish 2022 va 2023-yillarda yonilg‘i kompaniyasi tomonidan amalga oshiriladi, — deyiladi xabarda.
O‘zbekistondagi WWR-SM reaktori uchun rossiyalik yadro olimlari zich uran va uran-silitsid yonilg‘isini yetkazib beradi.
Bu O‘zbekistonga ilgari yetkazib berilgan standart IRT-4M yonilg‘i komplektlaridan o‘z xususiyatlari bilan farq qiladi.
WWR-SM reaktori yadro fizikasi, radiatsion materiallarshunoslik, faollashuv tahlili, minerallarni nurlantirish, shuningdek, tibbiy va sanoat maqsadlarida radioizotoplar ishlab chiqarish sohasidagi tadqiqotlar uchun ishlatiladi.
Ushbu inshoot uchun Rossiya yadro yoqilg‘isini yetkazib berish bo‘yicha avvalgi shartnoma 2017-yilning noyabrida Toshkentda ikki davlat bosh vazirlari ishtirokida imzolangan edi.
2017-yil dekabr oyida Rossiya va O‘zbekiston hukumatlari atom energiyasidan tinch maqsadlarda foydalanish to‘g‘risidagi bitimni imzolagan edi.
2019-yil fevral oyida O‘zbekiston prezidenti Shavkat Mirziyoyev 2019—2029-yillarda atom energetikasini rivojlantirish konsepsiyasini tasdiqlagan edi.
Izoh (0)