O‘zbekistonda 2022-yilda barcha toifa xo‘jaliklarida 63 ming gektar maydonga qovun ekilgan bo‘lib, shundan 51,5 ming gektari fermer va qishloq xo‘jaligi korxonalari hissasiga to‘g‘ri keladi. Bu haqda Qishloq xo‘jaligi vazirligi xabar berdi.
Ushbu ekilgan maydonlardan joriy yilda jami 1,3 mln tonna qovun yetishtirish rejalashtirilgan. Shundan 1 mln tonna qovun fermer va qishloq xo‘jaligi korxonalariga to‘g‘ri keladi.
Xalq seleksiyasida qovunning 150 dan ortiq navlari mavjud. O‘zbekistonda handalak, yozgi eti yumshoq, yozgi eti qattiq, kuzgi, qishda saqlanadigan qovun turlari ekiladi.
Jumladan, handalaklarning ko‘kcha, mahalliy, ko‘k kallapo‘sh, bo‘rikalla kabi navlari mavjud.
“Ko‘kcha handalak” ertapishar nav bo‘lib, uning ekilishidan toki pishib yetilgungacha davri 58-62 kunni tashkil etadi.
Yassi yapaloqsimon ko‘rinishdagi kulrang, yashil qovunning ustki qismi mayda siyrak to‘r bilan qoplangan.
Po‘sti yumshoq, xo‘shbo‘y, yeganda ta’mi og‘izda qoladigan ko‘kcha handalakdan gektariga 15-19 tonnagacha hosil olish mumkin. Qovunning vazni 1,3 kilogrammgacha bo‘ladi.
Yozgi eti yumshoq qovunlar saratonda quyoshning beminnat nurlariga to‘yib, ta’mi ham o‘zgacha bo‘lishi bilan ajralib turadi.
Avvalroq O‘zbekistonda qovun yetishtirish bo‘yicha yetakchi hududlar ma’lum bo‘lgan edi.
Izoh (0)