2021-yilda O‘zbekistonning SHHT mamlakatlari bilan tovar ayirboshlash hajmi qariyb 25 foizga o‘sdi va 21 mlrd dollardan oshdi. Bu umumiy tashqi savdo hajmining qariyb 50 foizini tashkil etadi, deya xabar bermoqda “Review.uz”.
2022-yilning birinchi yarmida tovar ayirboshlash hajmi yana 30 foizga oshib, 12 mlrd dollarga yetdi, bunda umumiy hajm 24,5 mlrd dollarni tashkil etdi.
SHHT mamlakatlari bilan tashqi savdo O‘zbekiston tashqi iqtisodiy faoliyatida muhim o‘rin tutadi. Xususan, Rossiya, Xitoy va Markaziy Osiyo mamlakatlari O‘zbekistonning asosiy savdo-iqtisodiy hamkorlari qatoriga kiradi.
So‘nggi 5 yil ichida O‘zbekistonning SHHT mamlakatlari bilan savdo aylanmasi 1,7 barobar, eksport 1,2 barobar, import 2 barobar oshdi.
Shu bilan birga, SHHT mamlakatlari bilan tovar aylanmasining mamlakatning umumiy tashqi savdo aylanmasidagi ulushi ham 47,2 foizdan 50,2 foizgacha o‘sdi.
2021-yilda SHHT mamlakatlari bilan tovar aylanmasi 24 foizga o‘sdi va 21,2 milliard dollarni, eksport 29 foizga o‘sib, 7,2 milliard dollarni va import 21 foizga o‘sib, 13,9 milliard dollarni tashkil etdi.
O‘tgan yili O‘zbekiston umumiy tashqi savdo aylanmasining 50,2 foizi, eksportning 43,5 foizi va umumiy importning 54,5 foizi SHHT mamlakatlari hissasiga to‘g‘ri keladi.
2022 yil yanvar-iyul oylari yakunlariga ko‘ra, o‘tgan yilning shu davriga nisbatan O‘zbekistonning SHHT mamlakatlari bilan aylanmasi 25,3 foizga o‘sib, 14 milliard dollarni tashkil etdi, eksport 24,4 foizga o‘sib, 4,6 milliard dollarni, import 27,3 foizga o‘sib, 9,4 milliard dollarni tashkil etdi.
Izoh (0)