“Barselona” La Liga 5-turida “Kadis”ni 4:0 hisobida mag‘lub etdi.
“Barselona” so‘nggi besh o‘yinda 20 ta gol urdi va ikki marta o‘z darvozasidan to‘p olib chiqdi. Bundan avval “Sevilya” (3:0), “Valyadolid” (4:0), “Real Sosyedad” (4:1) va “Viktoriya Plzen” (5:1) taslim etilgandi.
Bu Xavi uchun “Barselona” boshqaruvidagi 25-g‘alaba bo‘ldi. Buning uchun mutaxassisga 43 ta o‘yin kerak bo‘ldi.
Katalonlarning keyingi o‘yini Chempionlar Ligasi doirasida “Bavariya”ga qarshi bo‘ladi. Myunxen jamoasi Bundesligada ketma-ket uchta durang qayd etdi.
“Bavariya” va “Barselona” jamoalari o‘rtasidagi o‘yin 13-sentabrdan 14-sentabrga o‘tar kechasi 00:00 da boshlanadi.
Mavzuga doir: “Barselona” va “Kadis” o‘rtasidagi bahs tribunadagi muxlisning ahvoli og‘irlashgani sabab vaqtincha to‘xtatildi
Izoh (0)