AQShning Las-Vegas shahrida Toshkent vaqti bilan 11-sentabr tongida UFC 279 musobaqasi bo‘lib o‘tdi.
Musobaqaning asosiy jangi Neyt Dias va Toni Fergyuson o‘rtasida kechdi. Dastlabki raund teng kurashlar ostida o‘tdi. Ikkinchi raunddan boshlab Neyt raqibga nisbatan ancha faol bo‘ldi.
4-raundning o‘rtalarida Dias bo‘g‘ish usuli bilan Fergyusonni taslim bo‘lishga majbur qildi. Qizig‘i, bu jangdagi ilk parter holati edi, bunga qadar ikkala yakkakurashchi ham “stoyka”da jang qilayotgandi.
Yana bir markaziy jang Hamzat Chimayev (12-0) va Kevin Holland (23-8) o‘rtasida o‘tdi. Birinchi raundning ilk soniyalaridayoq Chimayev raqibini parterga oldi va og‘ritish usuli bilan taslim etdi.
Qayd etish kerak, avvaliga UFC 279 ning asosiy jangi Dias va Chimayev o‘rtasida kechishi belgilangan edi. Biroq Hamzat vazn me’yorini bajara olmadi va uning Diasga qarshi jangi bekor qilindi. Neyt ushbu musobaqaning asosiy jangida Toni Fergyusonga qarshi oktagonga chiqadi.
Asosiy kard
- Neyt Dias (24-13) 4-raundda Toni Fergyusonni (25-8) sabmishen bilan yengdi;
- Hamzat Chimayev (12-0) 1-raundda Kevin Hollandni (23-8) sabmishen orqali taslim etdi;
- Daniel Rodriges (17-2) ochkolar evaziga Li Szinlyanga (19-8) yutqazib qo‘ydi;
- Iren Aldana (14-6) 3-rfundda Meysi Chiassonni (12-3) nokautga uchratdi;
- Jonni Uoker (18-7) 1-raundda Ion Kutselabani (16-8-1) sabmishen bilan yutdi.
- Yulian Erosa ochkolar hisobiga Hakim Davoduni yutdi;
- Jeilton Almeyda 1-raundda sabmishen bilan Anton Turkaljni taslim etdi;
- Denis Tyulyulin 2-raundda Jeymi Pikettni nokaut qildi;
- Kris Barnett 2-raundda Jeyk Kollyeni nokautga uchratdi;
- Norma Dumont ochkolar evaziga Danyelle Vulfni mag‘lub etdi;
- Heyli Alateng ochkolar hisobiga Ched Anheligerdan ustun keldi;
- Elize Rid ochkolar hisobiga Melissa Martinesni yengdi;
- Yohan Laynes ochkolar evaziga Darian Uiksni yutdi.
Izoh (0)