AShQning Las-Vegas shahrida Toshkent vaqti bilan 11-sentabr tongida UFC’ning navbatdagi raqamli musobaqasi bo‘lib o‘tdi.
UFC 279 kechasining ikkinchi asosiy jangi Hamzat Chimayev (12-0) va Kevin Holland (23-8) o‘rtasida o‘tdi.
Birinchi raundning ilk soniyalaridayoq Chimayev raqibini parterga oldi. Raund o‘rtalariga borib Hamzat Hollandni og‘ritish usuli bilan taslim etdi.
Shu tariqa shvetsiyalik yakkakurashchi professional MMA’dagi g‘alabalari sonini 12 ta yetkazdi.
Qayd etish kerak, avvaliga UFC 279 ning asosiy jangi Dias va Chimayev o‘rtasida kechishi belgilangan edi. Biroq Hamzat vazn me’yorini bajara olmadi va uning Diasga qarshi jangi bekor qilindi. Neyt ushbu musobaqaning asosiy jangida Toni Fergyusonga qarshi oktagonga chiqadi.
Izoh (0)