«Барселона» Ла Лига 5-турида «Кадис»ни 4:0 ҳисобида мағлуб этди.
«Барселона» сўнгги беш ўйинда 20 та гол урди ва икки марта ўз дарвозасидан тўп олиб чиқди. Бундан аввал «Севилья» (3:0), «Вальядолид» (4:0), «Реал Сосьедад» (4:1) ва «Виктория Плзен» (5:1) таслим этилганди.
Бу Хави учун «Барселона» бошқарувидаги 25-ғалаба бўлди. Бунинг учун мутахассисга 43 та ўйин керак бўлди.
Каталонларнинг кейинги ўйини Чемпионлар Лигаси доирасида «Бавария»га қарши бўлади. Мюнхен жамоаси Бундеслигада кетма-кет учта дуранг қайд этди.
«Бавария» ва «Барселона» жамоалари ўртасидаги ўйин 13 сентябрдан 14 сентябрга ўтар кечаси 00:00 да бошланади.
Мавзуга доир: «Барселона» ва «Кадис» ўртасидаги баҳс трибунадаги мухлиснинг аҳволи оғирлашгани сабаб вақтинча тўхтатилди
Изоҳ (0)