Toshkent viloyati Olmaliq shahrida “Qo‘riqlash” bo‘limi xodimlari tomonidan o‘g‘irlikning oldi olindi, deb xabar bermoqda Qo‘riqlash xizmati.
Qayd etilishicha, 2-sentabr kuni soat 10:48 da Olmaliq shahar “Qo‘riqlash” bo‘limiga qo‘riqlovga olingan zargarlik buyumlari do‘konidan “tashvishli” xabari kelib tushgan.
Voqea joyiga yetib kelgan xodimlar tomonidan mazkur do‘kondan zargarlik buyumlarini g‘ayriqonuniy tarzda olib chiqishga urinayotgan noma’lum shaxs qo‘lga olingan.
Dastlabki tekshiruv ishlari natijasida bu fuqaro T.A. (1987-yilda tug‘ilgan) ekani aniqlangan.
Mazkur holat bo‘yicha surishtiruv ishlari Olmaliq shahar IIB tomonidan olib borilmoqda.
Izoh (0)