Ijtimoiy tarmoqlardagi shaxsiy sahifa muxlislar bilan muloqot qilishda ajoyib yordamchidir. Ammo ba’zida yulduzlar ularni rad etib, o‘z bloglarini tark etmoqda. Grazia nashri ularni bunga nima undayotgani haqda so‘z yuritdi.
Milli Bobbi Braun
2018-yilda aktrisa Twitter’dagi sahifasini o‘chirib tashladi. Keyinchalik u yangisini yaratdi, ammo 2019-yildan beri u yerga hech qanday post joylashtirilmadi. Aytgancha, yaqinda bergan intervyusida TikTok’dagi sahifasini ham o‘chirib tashlaganini aytdi — bularning barchasi erkaklarning nomaqbul xabarlari tufayli edi. Bunday hodisani ko‘pgina mashhur qizlar muntazam ravishda boshdan kechiradi.
Qo‘shiqchi Lizzo
2020-yil yanvar oyida Lizzo Twitter’ni tark etayotganini ma’lum qilgan. Buning barchasiga trollar sabab bo‘lgan. U hech qachon xeyterlarga javob berishdan tortinmagan, ammo vaqt o‘tishi bilan u shunchaki charchagan. 2021-yilda Lizzo mashhur Kardi Bi bilan taqdimot uchun ijtimoiy tarmoqqa qaytdi.
Pit Devidson
Xonanda Ariana Grande va Pit Devidson 2018-yilda unashtirilgan edi. Biroq internet foydalanuvchilari bu voqeadan umuman xursand bo‘lmadi, aksincha, mashhurlarni tanqid qildi. Komediyachi bundan juda charchagan edi, u ijtimoiy tarmoqdagi blogini o‘chirib tashladi. Keyinroq u yerga qaytmoqchi emasligini qayta-qayta ta’kidladi. Faqat Kim Kardashyan va Kanye Uest bilan bo‘lgan munosabati uni o‘z blogini qaytarishga majbur qildi. Ammo bu ham uzoq davom etmadi.
Kardi Bi
Internetdagi nizolar muammosini hal qilish juda oson — faqat bir muddat ijtimoiy tarmoqdan foydalanmaslik kerak. Azaleya Benks bilan janjal paytida Kardi Bi ham shunday qildi. Xonanda hamkasbi bilan janjallashishdan charchagan va shunchaki ijtimoiy tarmoqdagi sahifani o‘chirib tashlagan. Ammo oradan bir hafta o‘tgach uni qayta tikladi.
Kanye Uest
Kanye Uest ham o‘z sahifasini butunlay o‘chirib tashlaydi, keyin uni qayta jonlantiradi va yangi kontentni faol ravishda joylashtira boshlaydi. Buni xonandaga xos xususiyatlardan biri deb atash mumkin.
Megan Markl
Megan qirollik oilasining a’zosi bo‘lishidan oldin oddiygina aktrisa edi. Tabiiyki, uning ijtimoiy tarmoqlarda sahifalari va hatto o‘zining turmush tarzi portali — The Tig ham bor edi. U shahzoda Garri uchun hamma narsadan voz kechdi. Ammo yangi intervyularidan birida u ijtimoiy tarmoqqa qaytishni rejalashtirayotganini aytdi.
Tom Holland
Aktyor yaqinda ijtimoiy tarmoqlardan dam olishga qaror qildi. “Men ruhiy salomatligim uchun ijtimoiy tarmoqlardan dam olishga qaror qildim. Bu platformalarning barchasi meni haddan tashqari toliqtiradi. Internetda o‘zim haqimda biror narsani o‘qisam, unuta olmayman va aqldan ozaman. Bularning barchasi mening ruhiyatim uchun yomon ta’sir qiladi, shuning uchun men undan biroz uzoqlashishga va dasturni o‘chirishga qaror qildim”, — dedi Tom.
Izoh (0)