Ижтимоий тармоқлардаги шахсий саҳифа мухлислар билан мулоқот қилишда ажойиб ёрдамчидир. Аммо баъзида юлдузлар уларни рад этиб, ўз блогларини тарк этмоқда. Grazia нашри уларни бунга нима ундаётгани ҳақда сўз юритди.
Милли Бобби Браун
2018 йилда актриса Twitter’даги саҳифасини ўчириб ташлади. Кейинчалик у янгисини яратди, аммо 2019 йилдан бери у ерга ҳеч қандай пост жойлаштирилмади. Айтганча, яқинда берган интервьюсида TikTok’даги саҳифасини ҳам ўчириб ташлаганини айтди — буларнинг барчаси эркакларнинг номақбул хабарлари туфайли эди. Бундай ҳодисани кўпгина машҳур қизлар мунтазам равишда бошдан кечиради.
Қўшиқчи Лиззо
2020 йил январь ойида Лиззо Twitter’ни тарк этаётганини маълум қилган. Бунинг барчасига троллар сабаб бўлган. У ҳеч қачон хейтерларга жавоб беришдан тортинмаган, аммо вақт ўтиши билан у шунчаки чарчаган. 2021 йилда Лиззо машҳур Карди Би билан тақдимот учун ижтимоий тармоққа қайтди.
Пит Дэвидсон
Хонанда Ариана Гранде ва Пит Дэвидсон 2018 йилда унаштирилган эди. Бироқ интернет фойдаланувчилари бу воқеадан умуман хурсанд бўлмади, аксинча, машҳурларни танқид қилди. Комедиячи бундан жуда чарчаган эди, у ижтимоий тармоқдаги блогини ўчириб ташлади. Кейинроқ у ерга қайтмоқчи эмаслигини қайта-қайта таъкидлади. Фақат Ким Кардашьян ва Канье Уэст билан бўлган муносабати уни ўз блогини қайтаришга мажбур қилди. Аммо бу ҳам узоқ давом этмади.
Карди Би
Интернетдаги низолар муаммосини ҳал қилиш жуда осон — фақат бир муддат ижтимоий тармоқдан фойдаланмаслик керак. Азалея Бенкс билан жанжал пайтида Карди Би ҳам шундай қилди. Хонанда ҳамкасби билан жанжаллашишдан чарчаган ва шунчаки ижтимоий тармоқдаги саҳифани ўчириб ташлаган. Аммо орадан бир ҳафта ўтгач уни қайта тиклади.
Канье Уэст
Канье Уэст ҳам ўз саҳифасини бутунлай ўчириб ташлайди, кейин уни қайта жонлантиради ва янги контентни фаол равишда жойлаштира бошлайди. Буни хонандага хос хусусиятлардан бири деб аташ мумкин.
Меган Маркл
Меган қироллик оиласининг аъзоси бўлишидан олдин оддийгина актриса эди. Табиийки, унинг ижтимоий тармоқларда саҳифалари ва ҳатто ўзининг турмуш тарзи портали — The Tig ҳам бор эди. У шаҳзода Гарри учун ҳамма нарсадан воз кечди. Аммо янги интервьюларидан бирида у ижтимоий тармоққа қайтишни режалаштираётганини айтди.
Том Ҳолланд
Актёр яқинда ижтимоий тармоқлардан дам олишга қарор қилди. «Мен руҳий саломатлигим учун ижтимоий тармоқлардан дам олишга қарор қилдим. Бу платформаларнинг барчаси мени ҳаддан ташқари толиқтиради. Интернетда ўзим ҳақимда бирор нарсани ўқисам, унута олмайман ва ақлдан озаман. Буларнинг барчаси менинг руҳиятим учун ёмон таъсир қилади, шунинг учун мен ундан бироз узоқлашишга ва дастурни ўчиришга қарор қилдим», — деди Том.
Изоҳ (0)