Yevropa Ittifoqining Yerni kuzatish agentligi ma’lumotlariga ko‘ra, Yevropada jazirama to‘lqinlar va qurg‘oqchilikdagi ushbu yoz kamida o‘ttiz yillikdagi eng issiq fasl bo‘ldi. Bu haqda Bloomberg xabar bermoqda.
Iyundan avgustgacha bo‘lgan o‘rtacha haroratlar 2021-yilning oldingi eng issiq yoziga nisbatan 0,4 gradus yuqori bo‘lgan, o‘tgan oydagi harorat esa 2018-yildagi issiq avgust oyiga nisbatan 0,8 gradus yuqori bo‘lgan.
Global miqyosda joriy avgust agentlik ma’lumotlari bo‘yicha uchinchi eng issiq yoz bo‘ldi.
Iqlim o‘zgarishi xizmatining katta olimi Freja Vamborg o‘z bayonotida:
Iqlim o‘zgarishi sanoatdan oldingi davrlardan beri global haroratning taxminan 1,1 gradusga oshishiga olib keldi. Global isish issiqlik to‘lqinlari va qurg‘oqchilik kabi ekstremal hodisalarni kuchaytirmoqda, — deb ta’kidlaydi.
G‘arbiy Yevropaning bir qancha joylarida harorat rekordlari yangilandi, Ispaniya va Fransiyada esa so‘nggi o‘n yilliklardagi eng dahshatli yong‘inlar kuzatildi.
Bu shuningdek, Buyuk Britaniyada 2018-yil bilan birga kamida 1884-yildan beri qayd etilgan eng issiq yozi bo‘ldi. Shimoliy Amerikada ham rekorddagi eng issiq yozlardan biri bo‘lgan.
Avvalroq jazirama sabab jahon bozorida paxta narxi keskin ko‘tarilgani haqida xabar berilgandi.
Izoh (0)