Европа Иттифоқининг Ерни кузатиш агентлиги маълумотларига кўра, Европада жазирама тўлқинлар ва қурғоқчиликдаги ушбу ёз камида ўттиз йилликдаги энг иссиқ фасл бўлди. Бу ҳақда Bloomberg хабар бермоқда.
Июндан августгача бўлган ўртача ҳароратлар 2021 йилнинг олдинги энг иссиқ ёзига нисбатан 0,4 градус юқори бўлган, ўтган ойдаги ҳарорат эса 2018 йилдаги иссиқ август ойига нисбатан 0,8 градус юқори бўлган.
Глобал миқёсда жорий август агентлик маълумотлари бўйича учинчи энг иссиқ ёз бўлди.
Иқлим ўзгариши хизматининг катта олими Фрежа Вамборг ўз баёнотида:
Иқлим ўзгариши саноатдан олдинги даврлардан бери глобал ҳароратнинг тахминан 1,1 градусга ошишига олиб келди. Глобал исиш иссиқлик тўлқинлари ва қурғоқчилик каби экстремал ҳодисаларни кучайтирмоқда, — деб таъкидлайди.
Ғарбий Европанинг бир қанча жойларида ҳарорат рекордлари янгиланди, Испания ва Францияда эса сўнгги ўн йилликлардаги энг даҳшатли ёнғинлар кузатилди.
Бу шунингдек, Буюк Британияда 2018 йил билан бирга камида 1884 йилдан бери қайд этилган энг иссиқ ёзи бўлди. Шимолий Америкада ҳам рекорддаги энг иссиқ ёзлардан бири бўлган.
Аввалроқ жазирама сабаб жаҳон бозорида пахта нархи кескин кўтарилгани ҳақида хабар берилганди.
Изоҳ (0)