“Erimni o‘ldirib qo‘ygansanlar”. Samarqandda davolanayotgan eri uyga qaytmaganidan xavotirlangan ayol shifokorlarni haqoratladi

Samarqand viloyatida shifokorlarni haqorat qilgan ayolga nisbatan tergovga qadar tekshiruv harakatlari olib borilmoqda. Bu haqda viloyat ichki ishlar boshqarmasi matbuot kotibi xabar berdi.

Ma’lum bo‘lishicha, 3-sentabr kuni Samarqand shahri Motrid qo‘rg‘onida yashovchi fuqaro K.I. Respublika shoshilinch tibbiy yordam ilmiy markazi Samarqand filialida davolanib chiqib, “Xujag‘unjoish” MFYda yashovchi tanishlarinikida qolgan.

5-sentabr kuni K.I.ning turmush o‘rtog‘i U.F. erining uyga kelmaganidan xavotirlanib, shifoxonaga borgan. Erimni o‘ldirib qo‘ygansanlar deb, tibbiyot xodimlariga turli haqoratomuz so‘zlarni aytgan.

Hodisa joyiga IIB xodimlari borib, ayolga erining tirikligi, sodir etayotgan harakatlari huquqbuzarlik ekani tushuntirilib, shifoxonadan olib ketilgan. Holat yuzasidan Samarqand shahri bo‘yicha IIO FMB tomonidan tergovga qadar tekshiruv harakatlari olib borilmoqda.