Jizzaxning Yangiobod tumanida garovga qo‘yilgan 3,1 milliard so‘mlik binolar buzib tashlandi. Bu haqda Bosh prokuratura huzuridagi departament xabar berdi.
Departamentning Yangiobod tuman bo‘limi tomonidan o‘tkazilgan tergovga qadar tekshiruvda “K.Z.” MCHJ mas’ul shaxslari, hududiy tijorat banki filialidan qurilish mollari ishlab chiqarish uskunasi va bank balansida bo‘lgan MTM binosini sotib olish uchun jami 4 milliard so‘m kredit ajratilishiga erishib, garov ta’minoti uchun qo‘yilgan MCHJga tegishli 3,1 milliard so‘mlik binolarni buzib tashlab, bank manfaatlariga juda ko‘p miqdorda zarar yetkazgani aniqlangan.
Mazkur holat yuzasidan Jinoyat kodeksining 173-moddasi (mulkni qasddan nobud qilish yoki unga zarar yetkazish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)