Жиззахнинг Янгиобод туманида гаровга қўйилган 3,1 миллиард сўмлик бинолар бузиб ташланди. Бу ҳақда Бош прокуратура ҳузуридаги департамент хабар берди.
Департаментнинг Янгиобод туман бўлими томонидан ўтказилган терговга қадар текширувда «К.З.» МЧЖ масъул шахслари, ҳудудий тижорат банки филиалидан қурилиш моллари ишлаб чиқариш ускунаси ва банк балансида бўлган МТМ биносини сотиб олиш учун жами 4 миллиард сўм кредит ажратилишига эришиб, гаров таъминоти учун қўйилган МЧЖга тегишли 3,1 миллиард сўмлик биноларни бузиб ташлаб, банк манфаатларига жуда кўп миқдорда зарар етказгани аниқланган.
Мазкур ҳолат юзасидан Жиноят кодексининг 173-моддаси (мулкни қасддан нобуд қилиш ёки унга зарар етказиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)