Shavkat Mirziyoyev 5-sentabr kuni oziq-ovqat mahsulotlari narxlari barqarorligini ta’minlash va zaxirasini yaratish masalalari yuzasidan o‘tkazilgan videoselektorda agrar soha rahbarlarini tanqid qildi. Bu haqda prezident matbuot kotibi xabar qildi.
Ta’kidlashicha, agrar sohadagi islohotlarni jadal amalga oshirish birinchi navbatda ushbu soha rahbarlari G‘aniyev, Xaitov, yangi vazir Voitov va o‘rinbosarlari fidoyiligiga bog‘liq.
G‘aniyevni ham, Hayitovni ham, seni ham (Voitov — tahr.) bir narsadan ogohlantirmoqchiman. Menga balandparvoz raqamlar, balandparvoz gaplar kerakmas. Yerni aldab bo‘lmaydi. G‘aniyevga ham katta ogohlantirish.Mana bugun sening birinchi muoviningni olib tashlaganim bejiz emas. Chunki oyog‘i yerdan uzilgan. O‘zi umuman hamma vazirlarning oyog‘i sal yerdan uzilib qolgani haq gap. Ko‘ping o‘ylayapsanki, xohlaganim mumkin deb. Xohlaganing mumkin bo‘lmaydi bundan buyog‘i. Nazorat juda kuchayadi. O‘rinbosarlaring ham fidoyilik bilan ishlamasa, hammasi ketadi. Juda katta armiya bor senda, men bekorga sen bilan suhbatda bir haftaga borib o‘rganib kel deb aytganim yo‘q.
Qishloq xo‘jaligiga mablag‘ kerak. Pul bo‘lmasa, hech balo bo‘lmaydi hech qachon. Lekin uni talon-toroj qilish kerak emas.
“Har birlaring klasterlar bilan o‘tirvolib manfaatdorlik, mablag‘lar qanday natija berganini hisob-kitob qilyapsizlarmi?” degan savolga ijobiy javob yo‘q hozircha, Voitov. Sen ham dalaga borganingda faqat yolg‘on gapirish kerak emas. Sen ham ikki yil yurding dalama-dala loyiha qilib. Endi qishloq xo‘jaligini loyiha qilishni o‘rgatish kerak.
Shuning uchun G‘aniyevdan ham, Hayitovdan ham, Voitovdan ham juda qattiq so‘rov bo‘ladi. Bugungi hamma gaplardan xulosa qilinglar. Agar ish uslubinglarni o‘zgartirolmasalaring, men sizlarni o‘zgartirishga majbur bo‘laman, — deydi davlat rahbari selektor yig‘ilishida.
Izoh (0)