Ijtimoiy tarmoqlarda Qo‘qon shahar Ichki ishlar boshqarmasi Yo‘l harakati xavfsizligi bo‘limida bir ayolning sog‘lig‘i yomonlashgani, yana bir fuqaro esa o‘ziga tan jarohati yetkazishga uringani aks etgan video tasvir tarqaldi. Viloyat IIB matbuot xizmati holatga aniqlik kiritdi.
Ushbu holat o‘rganilganda, 1-sentabr kuni Qo‘qon shahar Usmon Nosir ko‘chasida YPX inspektorlari tomonidan to‘xtatilgan Matiz haydovchisi psixotrop modda ta’sirida ekanlikda gumonlanib, tibbiy tekshiruvga taklif etilgan vaqtda haydovchi tibbiy tekshiruvdan bosh tortgan.
ligi, ushbu holat yuzasidan YPX inspektorlari tomonidan Ma’muriy javobgarlik to‘g‘risidagi Kodeksning 136-moddasi (transport vositalari haydovchilarining va yo‘l harakati boshqa ishtirokchilarining mastligi yoki mast emasligini aniqlash uchun tekshiruvdan o‘tishdan bo‘yin tovlashi)ga asosan ma’muriy bayonnoma rasmiylashtirilgan.
5-sentabr kuni ushbu mashina haydovchisi va uning onasi Qo‘qon shahar Ichki ishlar boshqarmasi YHXBga kelib, ushbu ma’muriy bayonnomaga e’tiroz bildirgan va Matiz’ni jarima maydonidan chiqarib berishni so‘ragan.
Ichki ishlar organlari xodimlari yuqoridagi holat yuzasidan to‘plangan hujjatlar sud organiga ko‘rib chiqish uchun yuborilishi hamda qonuniy qaror qabul qilinishini tushuntirganda haydovchining bundan jahli chiqib, o‘ziga tan jarohati yetkazgan va onasining sog‘ligi yomonlashgan.
Qayd etilishicha, ushbu fuqarolarga zudlik bilan tibbiy yordam ko‘rsatilgan. Hozirda holat yuzasidan o‘rganish ishlari olib borilmoqda.
Izoh (0)