Kanadaning Saskachevan provinsiyasida Jeyms Smit Kri Neyshn (James Smith Cree Nation) kri hindulari rezervatsiyasiga, shuningdek, Ueldon qishlog‘iga hujum oqibatida 10 kishi pichoq zarbasidan halok bo‘ldi, deb yozadi “RBK”.
Yana 15 kishi kasalxonaga yotqizildi. Saskachevan Kanada qirollik otliq politsiyasi rahbari Ronda Blekmor yaralanganlar ko‘proq bo‘lishi mumkinligini ma’lum qildi.
Politsiya hujumda 31 va 30 yoshli Demiyen Sanders va Maylz Sanders ismli ikki erkakni gumon qilmoqda, ular voqea joyidan qochib ketgan va hozir qidirilmoqda. Ular avtomobilda harakatlanayotgan bo‘lishi mumkin, shu sababli politsiya provinsiyaning butun hududi uchun ogolantirish e’lon qildi. Biroq politsiya fikricha, qidiruvni kengaytirib, qo‘shni Alberta va Manitobu provinsiyalariga ham o‘tish kerak.
Blekmorning so‘zlariga ko‘ra, politsiya odamlarning ba’zilari qasddan o‘ldirilgan, qolganlar esa tasodifan qurbonga aylangan, deb taxmin qilmoqda.
Sanderslarni Ueldondan 300 km uzoqlikda joylashgan Rejayna shahrida ko‘rishgan. Politsiya Rejayna aholisidan xavfsiz joylarga yashirinishni va u yerdan chiqmaslikni so‘ragan.
Jeyms Smit hududida esa mahalliy hukumat favqulodda vaziyat rejimini e’lon qildi.
Mavzuga doir:
- Braziliya chakalakzorlarida tub qabilalardan birining so‘nggi vakili vafot etdi. U 26 yil butunlay yolg‘iz yashagan
- Amazonkadagi juma qabilasining so‘nggi vakili koronavirusdan vafot etdi
- Braziliyalik oltin qidiruvchilar hech qachon tashqi dunyo bilan aloqada bo‘lmagan qabila hindularining 10 nafarini o‘ldirdi
- Amazoniya hindulari koronavirus sababli qirilib ketishi mumkinligi taxmin qilindi
Izoh (0)