Канаданинг Саскачеван провинциясида Жеймс Смит Кри Нейшн (James Smith Cree Nation) кри ҳиндулари резервациясига, шунингдек, Уэлдон қишлоғига ҳужум оқибатида 10 киши пичоқ зарбасидан ҳалок бўлди, деб ёзади «РБК».
Яна 15 киши касалхонага ётқизилди. Саскачеван Канада қироллик отлиқ полицияси раҳбари Ронда Блекмор яраланганлар кўпроқ бўлиши мумкинлигини маълум қилди.
Полиция ҳужумда 31 ва 30 ёшли Дэмиен Сандерс ва Майлз Сандерс исмли икки эркакни гумон қилмоқда, улар воқеа жойидан қочиб кетган ва ҳозир қидирилмоқда. Улар автомобилда ҳаракатланаётган бўлиши мумкин, шу сабабли полиция провинциянинг бутун ҳудуди учун оголантириш эълон қилди. Бироқ полиция фикрича, қидирувни кенгайтириб, қўшни Альберта ва Манитобу провинцияларига ҳам ўтиш керак.
Блекморнинг сўзларига кўра, полиция одамларнинг баъзилари қасддан ўлдирилган, қолганлар эса тасодифан қурбонга айланган, деб тахмин қилмоқда.
Сандерсларни Уэлдондан 300 км узоқликда жойлашган Режайна шаҳрида кўришган. Полиция Режайна аҳолисидан хавфсиз жойларга яширинишни ва у ердан чиқмасликни сўраган.
Жеймс Смит ҳудудида эса маҳаллий ҳукумат фавқулодда вазият режимини эълон қилди.
Мавзуга доир:
- Бразилия чакалакзорларида туб қабилалардан бирининг сўнгги вакили вафот этди. У 26 йил бутунлай ёлғиз яшаган
- Амазонкадаги жума қабиласининг сўнгги вакили коронавирусдан вафот этди
- Бразилиялик олтин қидирувчилар ҳеч қачон ташқи дунё билан алоқада бўлмаган қабила ҳиндуларининг 10 нафарини ўлдирди
- Aмазония ҳиндулари коронавирус сабабли қирилиб кетиши мумкинлиги тахмин қилинди
Изоҳ (0)