Elektr narxining oshishi munosabati bilan Buyuk Britaniyadagi o‘nta zavoddan oltitasi ishini to‘xtatib qo‘yishi mumkin, deya xabar bermoqda Bloomberg Britaniya ishlab chiqaruvchilari federatsiyasi MakeUK’ga tayanib.
Tashkilotga ko‘ra, agar hukumat korxonalarni qo‘llab-quvvatlash choralarini ko‘rmasa, ishlab chiqarish sohasidagi hozirgi pasayish kelajakda yanada yomonlashishi mumkin.
Hozirgi inqiroz korxonalarni jiddiy tanlov oldiga qo‘yadi. Tez orada yordam bo‘lmasa, ishlab chiqarishni qisqartirish yoki kompaniyani butunlay yopish kerak bo‘ladi, — deya ta’kidladi agentlik MakeUK hisobotida.
O‘tgan hafta Buyuk Britaniyaning gaz va elektr bozorlari boshqarmasi uy xo‘jaliklariga elektr va gaz uchun to‘lov chegarasini 80 foizga oshirganini e’lon qildi.
Cornwall Insight konsalting kompaniyasi 2023-yilning birinchi choragida hisoblarning maksimal miqdori o‘sishda davom etishini va yil o‘rtasiga kelib yiliga 5,34 ming funt sterlingni tashkil etishini taxmin qilmoqda. Hozirda bu ko‘rsatkich 1,97 ming funt sterling bo‘lib turibdi.
Avvalroq Buyuk Britaniyada elektr narxining oshishi sababli minglab pablar yopilishi kutilayotgani haqida xabar berilgan edi.
Izoh (0)