Germaniya kansleri Olaf Sholsning fikricha, G‘arbning Rossiyaga qarshi sanksiyalari samarali va to‘g‘ri. Uning so‘zlariga ko‘ra, Ukraina mojarosiga Yevropaning birlashgan munosabati Rossiya prezidenti Vladimir Putinni hayratda qoldirgan.
G‘arb sanksiyalari samarali va to‘g‘ri”, — dedi Shols Germaniyaning Magdeburger Volksstimme gazetasiga bergan intervyusida.Kanslerning fikricha, sanksiyalar Ukraina mojarosiga barham berishda Rossiyaga bosim o‘tkazishning muhim vositasidir.
Mamlakat jahon texnologik taraqqiyotidan uzilgan. Bu qancha uzoq davom etsa, Rossiyaga shuncha ko‘p zarar yetadi. Men uchun Germaniyaning Ukraina tarafdorlari G‘arb ittifoqidan chiqishi haqida gap bo‘lishi mumkin emas”, — deydi u.Shuningdek, kansler Yevropaning ushbu mojaroga “kuchli va birlashgan javobi” Putinni hayratda qoldirganini ta’kidladi. “U buni kutmagan edi”, — deb ta’kidladi Shols.
Ukrainada urush boshlanganidan so‘ng G‘arb Rossiyaga nisbatan sanksiyalar bosimini kuchaytirdi, bu esa Yevropa va AQSHda elektr energiyasi, yonilg‘i va oziq-ovqat narxlarining oshishiga olib keldi. Rossiya prezidenti Vladimir Putin Rossiyani jilovlash va kuchsizlantirish siyosati G‘arb uchun uzoq muddatli strategiya ekanini va sanksiyalar butun jahon iqtisodiyotiga jiddiy zarba berganini aytdi. Uning so‘zlariga ko‘ra, G‘arbning asosiy maqsadi millionlab odamlar hayotini yomonlashtirishdir.
Izoh (0)