30 августда БМТ Хавфсизлик Кенгаши Малидаги Тинчлик ва ярашув битимини амалга оширишга тўсқинлик қилаётган жисмоний ва юридик шахсларга саёҳат тақиқини ва активларини музлатиш муддатини 2023 йил 31 августгача узайтирди. Бу ҳақда «Sinxua» хабар берди.
Хавфсизлик Кенгаши бир овоздан 2649-резолюцияни қабул қилди. Шунингдек, санкциялар бажарилишини назорат қилиш бўйича эксперт гуруҳининг мандатини 2023 йил 30 сентябргача узайтирди.
БМТнинг Малидаги кўп ўлчовли интеграциялашган барқарорлаштириш миссиясини гуруҳга ёрдам бериш учун чақиришни талаб қилди.
Малидаги вазият халқаро тинчлик ва минтақадаги хавфсизликка таҳдид солишида давом этмоқда, — дейилади БМТ Хавфсизлик Кенгаши резолюциясида.
Хавфсизлик Кенгаши экспертлар гуруҳидан 2023 йилнинг 28 февралидан кечиктирмай оралиқ ҳисоботни, якуний ҳисоботни 2023 йилнинг 15 августидан кечиктирмай тақдим этишни ва шу давр мобайнида уни мунтазам равишда янгилаб боришни сўради.
Аввалроқ Франция Малидан қўшинларини олиб чиқиб кетганини эълон қилгани ҳақида хабар берилганди.
Изоҳ (0)