AQSHning birinchi xonimi Melaniya Tramp o‘zining nafis uslubi bilan mashhur. Daily Mail jurnalistlari esa uning garderobini tahlil qilib, eng qimmat va eng arzon kiyimlarini aniqladi. Nashrning yozishicha, eng qimmat kiyim bu — Dolce & Gabbana brendiga mansub jaket bo‘lib, u matoga tikilgan hajmli gul bezaklari bilan ajralib turadi. Melaniya bu yorqin libosda 2017-yilda Sitsiliyada o‘tgan G7 sammitida ko‘rinish bergan. Jaket narxi — 51,5 ming dollar. Undan keyingi o‘rinda esa Hermes Birkin 25 brendiga mansub noyob Niloticus timsoh terisidan tikilgan sumka turadi. Uning narxi 50 ming dollar deb baholangan. Garderobdagi yana bir hashamatli kiyim — bu J. Mendel brendining libosi bo‘lib, Melaniya Tramp uni 2018-yilda Buyuk Britaniyada kechki ovqatga borganda kiygan. Ushbu libos narxi 6,9 ming dollardan boshlanadi. Biroq birinchi xonimning garderobida arzon kiyimlarga ham joy topilgan. Eng arzon kiyim — Zara brendining I really don’t care, do you? degan bahsli yozuv tushirilgan kurtkasi bo‘ldi. Melaniya bu kurtkani 2018-yilda migrant bolalar uchun mo‘ljallangan boshpanaga borganida kiyib, katta shov-shuvga sabab bo‘lgan. Kurtkaning narxi atigi 40 dollar bo‘lgan. Arzon buyumlar orasida yana Converse Chuck Taylor All-Stars krossovkasi — 50 dollar, shuningdek, Flotus (ya’ni “AQSHning birinchi xonimi” degan qisqartma) yozuvi tushirilgan beysbol kepkasi ham bor. Uning narxi — 20 dollar.
Melaniya Tramp garderobidagi eng qimmat va eng arzon buyumlarning narxi oshkor qilindi
×![Lightbox Image]()
Izoh (0)