Samarqand shahridagi tungi klubda janjal yuz berib, jinoyat ishi qo‘zg‘atildi. Bu haqda viloyat IIB matbuot xizmati xabar berdi.
Ma’lum qilinishicha, 7-avgust kuni fuqaro E.B. o‘zining tanishi bilan “Bassiane” nomli tungi klubga dam olish maqsadida kirmoqchi bo‘lgan vaqtida, klubda qo‘riqchi bo‘lib ishlovchi R.M. ularni klubga kiritmasligini aytib, turli nojo‘ya so‘zlar bilan haqorat qilib, bir guruh sheriklari bilan ularni urib, tan jarohati yetkazgan.
Mazkur holat yuzasidan fuqaro R.M. va boshqa shaxslarga nisbatan Samarqand shahri bo‘yicha IIO FMB huzuridagi Tergov bo‘limi tomonidan Jinoyat kodeksining 277-moddasi 2-qismi “b” bandi bilan jinoyat ishi qo‘zg‘atilib, tergov harakatlari olib borilmoqda.
Qayd etilishicha, janjalda bir kishi vafot etganligi to‘g‘risidagi ijtimoiy tarmoqlarda tarqalgan xabarlar haqiqatga to‘g‘ri kelmaydi.
Izoh (0)