«Ювентус» ярим ҳимоячиси Пол Погба Франция терма жамоасидан четлатилиши мумкин. Бу ҳақда The Score’га таяниб «Чемпионат» хабар қилмоқда.
Аввалроқ Полнинг акаси Матиас Погба футболчи «ПСЖ» ҳужумчиси Килиан Мбаппени шаманлар орқали жодулашга уринаётгани ва бунга исботлари борлигини маълум қилганди. Матиас бу маълумотларни ошкор қилмаслик учун укасидан 13 миллион евро талаб қилаётгани хабар қилинганди.
Қайд этилишича, Мбаппе ва унинг атрофидагилар Погба билан рўй бераётган можарони кузатмоқда.
Агар Погба ҳақиқатда термадаги жамоадошига нисбатан жоду ишлатмоқчи бўлгани тасдиқланса, бу ЖЧ—2022 олдидан жамоа ички муҳитига салбий таъсир қилиши мумкин. Шу боис катта эҳтимол билан Пол терма жамоани тарк этишга мажбур бўлади.
Изоҳ (0)