Xorazm viloyati Yangibozor tumanida yo‘qolgan novvoslar topildi. Bu haqda “Postda” xabar qildi.
Qayd etilishicha, Yangibozor tumani “Chubolonchi” mahallasi hududida joylashgan fermer xo‘jaligi dala maydonida fuqaro S.P.ga tegishli 2 bosh (bog‘lanib turgan) novvos to‘satdan g‘oyib bo‘lgan. Yon-atrofni ko‘zdan kechirgan jabrlanuvchi novvoslarini topolmagach, tuman IIBga murojaat qilgan.
Olib borilgan tezkor surishtiruvlar natijasida ushbu jinoyatni yangibozorlik voyaga yetmagan shaxslar O.U. hamda T.J. tomonidan sodir etilgani ma’lum bo‘lgan.
Holat bo‘yicha tuman IIB huzuridagi tergov bo‘limi tomonidan gumonlanuvchi shaxslarga nisbatan jinoyat ishi qo‘zg‘atilgan. Hozirda dastlabki tergov harakatlari olib borilmoqda.
Izoh (0)