Olmaliqda itga shafqatsiz munosabatda bo‘lganlarga qarshi chiqqani uchun jazo tayinlangan shaxslar oqlandi. Bu haqda “Mehr va Oqibat” Telegram kanali xabar berdi.
9-avgust kuni ushbu kanalda Olmaliqda itlarni shafqatsizlarcha tutish bilan bog‘liq navbatdagi video e’lon qilingandi. Unda qarovsiz hayvonlarni tutish xizmati xodimlari itni sim bilan o‘rab, har tomonga tortayotgani aks etgan. Bu bolalarning ko‘z o‘ngida, o‘yin maydonchasi qarshisida joylashgan turar joy binosi derazalari ostida sodir bo‘lgan.
Bunga guvoh bo‘lgan aholi ularga qarshi chiqib, itni qutqarishga tushgan. 23-avgust kuni Olmaliq shahar sudida shu ish ko‘rib chiqilib, itni qutqarishda ishtirok etgan ayol A.K.ga BHMning 3 baravari, M.N. ismli erkakka esa 15 sutka ma’muriy qamoq jazosi tayinlangan.
27-avgust kuni bo‘lib o‘tgan viloyat sudida ular butunlay oqlangan.
Izoh (0)