Qashqadaryo viloyati Qamashi tumanida 28-avgust kuni odam o‘limi bilan bog‘liq yo‘l-transport hodisasi sodir bo‘ldi. Bu haqda viloyat Ichki ishlar boshqarmasi xabar qildi.
Qayd etilishicha, YTH shu kuni soat 13:40 larda 4R-79 Qarshi—Shahrisabz yo‘lining Qamashi tumani “Qo‘shkapa” mahallasidan o‘tgan 43-kilometrida yuz bergan. Haydovchi J.R. Lacetti avtomashinasida Shahrisabz shahri tomon harakatlanib kelayotgan haydovchi P.J. boshqaruvidagi Gentra avtomashinasining qatnov qismiga chiqib ketishi sababli bir-biriga urilgan.
Oqibatda Lacetti mashinasi yonib ketgan. Haydovchi J.R. hodisa joyida vafot etgan.
Holat yuzasidan Qamashi tumani IIB huzuridagi tergov guruhi tomonidan tergovga qadar tekshiruv harakatlari olib borilmoqda.
Izoh (0)