Хоразм вилояти Янгибозор туманида йўқолган новвослар топилди. Бу ҳақда «Постда» хабар қилди.
Қайд этилишича, Янгибозор тумани «Чуболончи» маҳалласи ҳудудида жойлашган фермер хўжалиги дала майдонида фуқаро С.П.га тегишли 2 бош (боғланиб турган) новвос тўсатдан ғойиб бўлган. Ён-атрофни кўздан кечирган жабрланувчи новвосларини тополмагач, туман ИИБга мурожаат қилган.
Олиб борилган тезкор суриштирувлар натижасида ушбу жиноятни янгибозорлик вояга етмаган шахслар О.У. ҳамда Т.Ж. томонидан содир этилгани маълум бўлган.
Ҳолат бўйича туман ИИБ ҳузуридаги тергов бўлими томонидан гумонланувчи шахсларга нисбатан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Изоҳ (0)