Futbol bo‘yicha O‘zbekiston Superligasining 17-turidan o‘rin olgan ikkita o‘yin 28-avgust, yakshanba kuni bo‘lib o‘tdi.
Turning markaziy o‘yini “Navbahor” va “Paxtakor” ishtirokida kechdi. Uchrashuvning birinchi bo‘limida hisob ochilmadi. Ikkinchi bo‘lim debyutida Jamshid Iskandarov jarima maydoni tashqarisidan zarba yo‘llab, chiroyli golga muallif bo‘ldi.
Oradan o‘n daqiqa o‘tib Hojiakbar Alijonov qanotdan yorib kirgan holda darvozaning yuqori burchagini aniq nishonga oldi. Uchrashuvning keyingi daqiqalarida hisob o‘zgarmadi.
“Navbahor” 33 ochko bilan peshqadamlikni saqlab qoldi, 32 ochkoga ega “Paxtakor” esa ikkinchi o‘ringa ko‘tarildi.
“Bunyodkor” safarda “Dinamo”ga qarshi bahs olib bordi. 25-daqiqada Shohruh Abdurahmonov mezbonlarni oldinga olib chiqqan bo‘lsa, 57-daqiqada Usmonali Ismonaliyev muvozanatni tikladi. 64-daqiqada Dmitriye Pobulich “Bunyodkor”ning ikkinchi golini urdi.
Oradan ko‘p o‘tmay mehmonlar hisobni ishonchli ko‘rinishga kelitirishi mumkin edi, biroq Ismonaliyev penaltidan unumli foydalana olmadi.
Ushbu g‘alabadan keyin “qaldirg‘ochlar” ochkolarini 20 taga yetkazib olgan holda 7-pog‘onaga ko‘tarildi, “Dinamo” (7) 14-o‘rinda bormoqda
Superliga
17-tur bahslari
28-avgust, yakshanba
“Navbahor” — “Paxtakor” 1:1
Gollar: 1:0 – 47 Iskandarov, 1:1 – 57 Alijonov.“Navbahor”: 1.O‘tkir Yusupov, 4.Boyan Siger, 6.Rustamjon Ashurmatov, 10.Jamshid Iskandarov (7.Azimjon Ahmedov, 87), 14.Jamshid Boltaboyev, 17.Diyor Turopov (20.Doniyor Abdumannopov, 46), 22.Igor Golban, 23.Yovan Jokich, 24.Davron Hoshimov, 30.Aleksandr Kasyan (32.Zoran Marushich, 41), 77.Asadbek Sobirjonov (8.Mirlan Murzayev, 87).
“Paxtakor”: 35.Sanjar Quvvatov, 3.Hojiakbar Alijonov, 5.Aleksandr Nasonov, 7.Odiljon Hamrobekov, 8.Azizbek Turg‘unboyev (17.Doston Hamdamov, 66), 10.Dragan Cheran (63.Muhammadali O‘rinboyev, 90+1), 13.Iliya Martinovich (42.Abbos Fayzullayev, 71), 19.Pshemislav Banashak, 27.Sardor Sobirxo‘jayev, 34.Farruh Sayfiyev, 88.Shahzod Azmiddinov.
Ogohlantirishlar: Azmiddinov (76), Boltaboyev (80).
“Dinamo” — “Bunyodkor” 1:2
Gollar: 1:0 – 25 Abdurahmonov, 1:1 – 57 Ismonaliyev, 1:2 – 64 Pobulich.“Dinamo”: 12. Miloye Prekovich, 5. Maxaylo Yovanovich, 6. Ibrohim Yo‘ldoshev, 7. Shohruh Abdurahmonov, 9. To‘lqin Ergashev (19. Islom Sharipov, 46), 15. Jo‘rabek Mannonov, 17. Erkin Boydullayev, 22. Abdujamol Isroilov, 27. Marat Bikmayev (97. Faxriddin Alimov, 84) 78. Elguja Grigalashvili, 88. Yevgeniy Chumak (11. Sahob Rashidov, 71).
“Bunyodkor”: 32. Suhrob Sultonov, 4. Davronjon Ergashev, 5. Jasur Yoqubov, 8. Frensis Narx, 10. Rasul Yo‘ldoshev (99. Umid Sultonov, 85), 11. Dmitriye Pobulich (19. Bilol Tupliyev, 85), 15. Jasur Hakimov, 25. Muhammadsafo Fozilov, 33. Umarali Rahmonaliyev (6. Avaz O‘lmasaliyev, 71), 34. Suhrob Izzatov, 49. Ibrohim Tomiva (22. Usmonali Ismonaliyev, 32).
Izoh (0)