Медведев Европада газ нархини 5 000 еврогача ошиб кетишини прогноз қилди ва буни ўзига хос сурат билан таърифлади

Россия Хавфсизлик кенгаши раисининг ўринбосари Дмитрий Медведев спот бозорда газ нархининг ўсиши бўйича ўз прогнозини оширди. Унинг ҳисоб-китобларига кўра, йил охирига келиб газ нархи минг куб метр учун 5 000 еврони ташкил қилади. 

Европа Иттифоқи мамлакатлари давлат ва ҳукумат раҳбарларига. Газ нархининг минг куб метр учун 3500 еврога кўтарилиши муносабати билан 2022 йил охиригача прогноз нархини 5000 еврога оширишим керак, — дейди Медведев Telegram’даги каналида. 

Россия Хавфсизлик кенгаши раисининг ўринбосари ўз прогнозини Вася Ложкиннинг «Газ отаси» картинаси билан тасвирлади.

2022 йилда «Газпром»нинг МДҲдан ташқари давлатларга экспорти 36,2 фоизга камайди. Бунинг оқибатида газ нархи кескин ошди. 

Ҳозирда минг кубометр учун газ нархи 3162 долларни ташкил этади. Рекорд нарх март ойида қайд этилган — 3 892 доллар.

Аввалроқ «Газпром» бу қишда Европада газ нархи минг куб метр учун рекорд даражадаги 4 минг доллардан ошишини прогноз қилган эди.