Uzbekistan Airways авиачипталарни қайта расмийлаштириш хизматини йўлга қўйди

Uzbekistan Airways авиакомпанияси йўловчилар янги «Авиачиптани қайта расмийлаштириш» хизматини ишга туширди. Бу ҳақда компания матбуот хизмати хабар бермоқда. 

Йўловчилар авиачиптани қайта расмийлаштириш учун қўшимча хизматлар бўлимида авиачипта рақами ва ўзи фамилиясини киритиши керак бўлади. 

Кейинчалик, муваффақиятли авторизациядан сўнг, «Авиачиптани қайта расмийлаштириш» тугмасини босиш керак. 

Очилган ойнада йўловчини қизиқтирган янги жўнаш санасини танлаш, агар бир нечта рейслар бўлса, жўнаш вақтини танлаш ва «Қийматни ҳисоблаш» тугмасини босиш лозим.  

Хизматдан фойдаланиш чоғида тегишли жарималар ҳисобланади. Кейин эса янги тарифга қўшимча тўлов расмийлаштирилиб (агар авиачиптада кўрсатилган тариф бўйича жойлар бўлмаса), авиачиптани қайта бронлаш учун тўлов амалга оширилиши керак.

Янги авиачипта йўловчига у кўрсатган электрон манзилига юборилади.

«www.uzairways.com» сайтида сотиб олинган авиачипталарни фақат авиакомпаниянинг сайтида ёки Uzbekistan Airways Sales филиали ва унинг агентлари орқали қайта расмийлаштириш имкони мавжуд.

Аввалроқ Uzbekistan Airways’ни хусусийлаштириш жараёни бошланган эди.