Tayvan hukumati Xitoyning harbiy faolligiga qarshi turish uchun mudofaa xarajatlarini qariyb 14 foizga oshirishni rejalashtirmoqda, deb xabar berdi Bloomberg.
Tayvan Vazirlar Mahkamasi 2023-yilga mo‘ljallangan xarajatlar rejasini tasdiqladi. Harbiy xarajatlar 586,3 milliard Tayvan dollarini (19,4 milliard dollar) tashkil etadi, bu 2022-yilga nisbatan 13,9 foizga ko‘p.
Harbiy budjetga qiruvchi samolyotlar va boshqa harbiy texnika uchun 108,3 milliard Tayvan dollari miqdoridagi qo‘shimcha xarajatlar kiritilgan, deya xabar beradi Reuters.
Iyul oyi oxirida Taipei Times nashri manbalariga tayanib, hukumat 2023-yilda mamlakat mudofaa budjetini 4,09 foizga — 382,6 milliard Tayvan dollariga (12,78 milliard dollar) oshirishni rejalashtirayotgani haqida yozgandi.
Avgust oyi boshida AQSH Kongressi Vakillar palatasi spikeri Nensi Pelosi Tayvanga tashrif buyurdi. Safar orolni o‘zining ayirmachi hududi deb hisoblaydigan Pekinni g‘azablantirdi, Xitoy tomoni buni Vashington tomonidan XXR ichki ishlariga aralashishga urinish deb hisobladi.
Pelosining tashrifi tufayli Xitoy Tayvan qirg‘oqlari yaqinida keng ko‘lamli harbiy mashg‘ulotlar o‘tkazdi. Qo‘shma Shtatlar va Tayvan Xitoyning manyovrlarini qoraladi.
Izoh (0)