Italiya janubidagi Skuillache ko‘rfazida 40 metrli “Saga” yaxtasi cho‘kib ketdi, deb yozadi Meduza.
Hodisa 21-avgustga o‘tar kechasi, kema Kayman orollari bayrog‘i ostida Gallipolidan Millatsoga yo‘l olgan paytida yuz bergan. Kema quyrug‘i suvga to‘la boshlagach, italiyaliklardan iborat ekipaj falokat signalini yuborgan.
Qirg‘oq soqchiligi xizmati to‘rt yo‘lovchi va bir ekipaj a’zosini evakuatsiya qilgan, to‘rt kishi nosozlikni bartaraf qilish uchun qoldirilgan. Yaxtani shatakka olib portga keltirishga urinishgan, ammo kema o‘ng yonboshiga keskin og‘ib keta boshlagan. Yaxta butunlay cho‘kib ketgunicha, bortda qolgan ekipaj a’zolarini qutqarishga ulgurishdi.
“Saga” yaxtasi Italiyada 2007-yilda Monaco Yachting & Technologies kompaniyasi tomonidan qurilgan. OAVlar ma’lumotlariga ko‘ra, yaxta “Kuzbassrazrezugol” xoldingi egalaridan biri va “Krutreyd” kompaniyasi direktorlar kengashi raisi, rossiyalik biznesmen Gennadiy Ayvazyanga tegishli bo‘lib, uning qiymati 50 million dollarga baholanadi.
Izoh (0)