“Barselona” va “Manchester Siti” jamoalari 24-avgust, chorshanba kuni xayriya o‘yinida ishtirok etdi.
Uchrashuv “Kamp Nou” stadionida bo‘lib o‘tdi. “Barselona” safida Pyer-Emerik Obameyang, Frenki de Yong, Memfis Depay gol urgan bo‘lsa, “Manchester Siti” safida Xulian Alvares, Koul Palmer va Riyod Mahrezlar o‘z hisobiga gol yozdirib qo‘ydi.
O‘yindan kelib tushgan daromad amitrofik lateral sklerozga qarshi kurashga sarflanadi. 2020-yil iyun oyida kataloniyaliklar sobiq darvozaboni Xuan Karlos Unsue xuddi shu kasallikka chalingan.
Xayriya o‘yini
24-avgust, chorshanba
“Barselona” — “Manchester Siti” 3:3
Gollar: 0:1 – 21 Alvares, 1:1 – 29 Obameyang, 2:1 – 66 de Yong, 2:2 – 70 Palmer, 3:2 – 79 Depay, 3:3 – 90 Marez (penalti).“Barselona”: Penya (Tenas, 81), Serxi Roberto (Dest, 81), Pike (Erik Garsiya, 57), Kunde (Kristensen, 81), Alba (Balde, 57), Buskets (Pyanich, 72), Kessie (Gavi, 57), de Yong (Torre, 72), Obameyang (Depay, 57), Rafinya (Ez Abde, 72), Ferran Torres (Fati, 46).
“Manchester Siti”: Ortega, Lyuis (Joau Kanselu, 46), Uoker (Stounz, 46), Ruben Diash (Mbete, 64; Bobb, 90), Serxio Gomes (Uilson-Esbrand, 46), Bernardu Silva (de Bryuyne, 64), Fillips (Rodri, 57), Palmer, Foden (Gundo‘g‘an, 65), Marez, Alvares (Holand, 72).
Ogohlantirishlar: Palmer (74).
Izoh (0)