Agrosanoat majmui ustidan nazorat qilish inspeksiyasi 1044 holatda tadbirkorlar huquqlarini buzgani aniqlandi. Bu haqda biznes-ombudsman matbuot xizmati xabar berdi.
Qayd etilishicha, biznes-ombudsman tomonidan Agrosanoat majmui ustidan nazorat qilish inspeksiyasi va uning quyi tizimlarida o‘rganishlarda o‘tkazilgan. Jumladan, 815 ta holatda tadbirkorlik subyektlari faoliyatida tekshirish o‘tkazish bilan bog‘liq qonunchilik talablari buzilgan.
Hududlar kesimida:
- Jizzax viloyati (660 ta);
- Sirdaryo viloyati (28 ta);
- Andijon viloyati (27 ta);
- Farg‘ona viloyati (20 ta);
- Samarqand viloyati (10 ta);
- Toshkent viloyati (8 ta);
- Buxoro viloyati (7 ta);
- Xorazm viloyati (3 ta) ;
- Qoraqalpog‘iston Respublikasi (52 ta) xodimlari tomonidan bunday kamchiliklarga yo‘l qo‘yilgan.
Qayd etilgan kamchiliklarga yo‘l qo‘ygan 142 nafar mansabdorga nisbatan ma’muriy bayonnomalar rasmiylashtirilgan.
Shu bilan birga, Agrosanoat majmui ustidan nazorat qilish inspeksiyasiga yo‘l qo‘yilgan kamchiliklarni bartaraf etish, ularni kelgusida yo‘l qo‘yilishini oldini olish hamda tadbirkorlikni har tomonlama qo‘llab-quvvatlash bo‘yicha tegishli choralar ko‘rilishi yuzasidan taqdimnoma kiritilgan.
Mavzuga doir: O‘zbekistonda biznes-ombudsman tadbirkorlar huquqini buzganlik uchun jarima qo‘llashi mumkin bo‘ladi
Izoh (0)