Агросаноат мажмуи устидан назорат қилиш инспекцияси 1044 ҳолатда тадбиркорлар ҳуқуқларини бузгани аниқланди. Бу ҳақда бизнес-омбудсман матбуот хизмати хабар берди.
Қайд этилишича, бизнес-омбудсман томонидан Агросаноат мажмуи устидан назорат қилиш инспекцияси ва унинг қуйи тизимларида ўрганишларда ўтказилган. Жумладан, 815 та ҳолатда тадбиркорлик субъектлари фаолиятида текшириш ўтказиш билан боғлиқ қонунчилик талаблари бузилган.
Ҳудудлар кесимида:
- Жиззах вилояти (660 та);
- Сирдарё вилояти (28 та);
- Андижон вилояти (27 та);
- Фарғона вилояти (20 та);
- Самарқанд вилояти (10 та);
- Тошкент вилояти (8 та);
- Бухоро вилояти (7 та);
- Хоразм вилояти (3 та) ;
- Қорақалпоғистон Республикаси (52 та) ходимлари томонидан бундай камчиликларга йўл қўйилган.
Қайд этилган камчиликларга йўл қўйган 142 нафар мансабдорга нисбатан маъмурий баённомалар расмийлаштирилган.
Шу билан бирга, Агросаноат мажмуи устидан назорат қилиш инспекциясига йўл қўйилган камчиликларни бартараф этиш, уларни келгусида йўл қўйилишини олдини олиш ҳамда тадбиркорликни ҳар томонлама қўллаб-қувватлаш бўйича тегишли чоралар кўрилиши юзасидан тақдимнома киритилган.
Мавзуга доир: Ўзбекистонда бизнес-омбудсман тадбиркорлар ҳуқуқини бузганлик учун жарима қўллаши мумкин бўлади
Изоҳ (0)