Покистоннинг иқлим ўзгариши бўйича вазири Шерри Раҳман CNN телеканалига маълум қилишича, 2022 йилнинг ёзида Покистонда муссон ёмғирлари сабаб юзага келган тошқинлар оқибатида камида 903 киши ҳалок бўлди, улардан 326 нафари болалар.
Вазирнинг сўзларига кўра, «минглаб одамлар уйсиз, озиқ-овқатсиз қолган, алоқа линиялари узилган».
«Бу жиддий гуманитар фалокат», — дея таъкидлади у.
Маҳаллий ҳокимият маълумотларига кўра, салкам 3000 километр йўл ва 129 та кўприк вайрон бўлган, бу эса табиий офатдан катта зарар кўрган ҳудудларга киришни тўсиб қўйган, 500 мингдан ортиқ чорва моллари нобуд бўлган.
БМТнинг гуманитар масалаларни мувофиқлаштириш бошқармаси маълумотларига кўра, июнь ойи ўрталаридан бери Покистонда 2,3 миллион киши сув тошқинидан жабр кўрган ва 95 мингдан ортиқ уй вайрон бўлган.
Покистон ҳукумати халқаро гуманитар ёрдами учун сўров юборган, дея таъкидлади CNN.
Изоҳ (0)