Хитой Beijing-3B оптик масофадан зондлаш сунъий йўлдошини қуёш билан синхрон Ер орбитасига муваффақиятли олиб чиқди. Бу ҳақда Хитой аэрокосмик фан ва технология корпорациясига (CASC) таяниб, «Интерфакс» хабар берди.
24 август куни «Чанчжэн-2D» ракета ташувчиси Тайюань космодромидан Beijing-3B сунъий йўлдоши билан учирилди ва қурилмани мўлжалланган орбитага олиб чиқди, дейилади корпорация хабарида.
CASC маълумотларига кўра, аппарат суратга олиш вақтида юқори манёвр ва барқарорликни сақлаган ҳолда юқори аниқликдаги тасвирларни яратиш имконини берувчи технология билан жиҳозланган. Тасвирлардан ер ресурсларини бошқариш, қишлоқ хўжалиги ва атроф-муҳит мониторингида фойдаланиш режалаштирилган.
Корпорация ҳисоботида таъкидланишича, сунъий йўлдош Beijing орбитал гуруҳидаги бошқа аппаратларнинг юқори сифатли маълумотларни йиғиш ва разведка хизматларини тақдим этиш ишларини тўлдиради.
Изоҳ (0)