Ikki vazn toifasida UFC sobiq chempioni Konor Makgregor (22-6) tiklanish jarayonining so‘nggi bosqichini o‘tamoqda. Bu haqda uning menejeri Tim Simpson ma’lum qildi.
“Konor kelasi yilgi ulkan kambekka tayyorgarlik ko‘rmoqda. Aftidan uning oyog‘i hali to‘liq tiklanmagan, biroq u telbalardek kuniga ikki mahal mashg‘ulot o‘tamoqda.
U o‘z jamoasi bilan shug‘ullanyapti: jismoniy tayyorgarlik bo‘yicha mutaxassis, fizioterapevt, bokschi, murabbiylar bilan. U borini kuchini sarflayapti va hozirda ajoyib formada.
To‘liq tayyor bo‘lishi uchun so‘nggi bosqich qolmoqda”, — deydi Tim Simpson.
Irlandiyalik yakkakurashchi 2021-yilning iyulida Dastin Poryega qarshi uchinchi jangida oyog‘ini sindirib olgandi va shundan beri tiklanish jarayonini o‘tamoqda.
Avvalroq Makgregor boks qoidalari bo‘yicha sobiq jahon chempioni Floyd Meyvezerga qarshi revansh jangida ishtirok etishi mumkinligi xabar qilingandi.
Izoh (0)