Ҳиндистонлик уч зобит тасодифан Покистонга ракета учиргани учун ишдан ҳайдалди, деб маълум қилди Ҳиндистон мудофаа вазирлиги матбуот хизмати. Бу ҳақда «Tengrinews» хабар бермоқда.
Мудофаа вазирлигининг таъкидлашича, ҳодисанинг сабаби, ҳарбийлар томонидан ўрнатилган стандарт операция тартиб-қоидаларидан четга чиқиш.
Ушбу уч зобит биринчи бўлиб воқеа учун жавобгарликка тортилди. Уларнинг хизмати Ҳиндистон ҳукумати томонидан дарҳол тўхтатилди», — дейилади хабарда.Покистон армияси маълумотларига кўра, жорий йилнинг 9 март куни кечқурун мамлакат ҳарбий-ҳаво кучлари Ҳиндистонда траекториясини ўзгартирган ва Покистон ҳудудига қулаган «тез учар объект»ни топиб, баъзиларига зарар етказган.
Ҳодиса оқибатида жабрланганлар ва ҳалок бўлганлар йўқ.
Покистон Ташқи ишлар вазирлиги Ҳиндистоннинг Исломободдаги Муваққат ишлар вакилига қўнғироқ қилгани ва ҳиндистонлик «товушдан тез учувчи жисм» томонидан мамлакат ҳаво ҳудудини асоссиз равишда бузгани учун унга кескин норозилик билдирганини маълум қилган.
Бўшатиш тўғрисидаги буйруқ эса 23 август куни офицерларга топширилган.
Изоҳ (0)