Qozog‘iston xalqi assambleyasi (QXA) respublikadagi Ukraina elchisi Pyotr Vrublevskiyning ruslarni o‘ldirish haqidagi bayonotlarini qoraladi. Tegishli murojaat 23-avgust kuni assambleya saytida paydo bo‘ldi.
Biz, Qozog‘iston xalqi assambleyasi a’zolari Ukrainaning Qozog‘iston Respublikasidagi elchisi janob Pyotr Vrublevskiyning qozog‘istonlik blogerlardan biriga bergan intervyusida aytgan so‘zlarini keskin qoralaymiz va ularni nomaqbul deb hisoblaymiz. Tinchlik va hamjihatlik davlat siyosati va jamiyatni mustahkamlashning asosiy tamoyillari bo‘lgan mamlakatimizda bunday bayonotlar kim tomonidan berilishidan qat’i nazar nomaqbuldir, — deyiladi murojaatda.QXA a’zolari diplomatiya nafrat va adovatni qo‘zg‘atmasligi, aksincha, tinchlik va hamkorlik g‘oyalariga xizmat qilishi zarurligini ta’kidlagan.
Ko‘p millatli Qozog‘istonning yagona xalqi uchun do‘stlik, o‘zaro yordam va tinchlik tamoyillari mustahkamdir. Aynan ular mustaqilligimizning eng og‘ir yillarida ham millatlararo nizolarga yo‘l qo‘ymaslik, vatanimiz, xalqimiz yaxlitligini asrab-avaylashda bizga yordam bergan.22-avgust kuni Rossiya TIV rasmiy vakili Mariya Zaxarova tomonidan e’lon qilingan videoda ukrainalik diplomatning imkon qadar ko‘proq ruslarni o‘ldirish zarurligi haqidagi gaplari aks etgan. Bunday gaplar diplomatning qozog‘istonlik bloger Dias Kuzayirovga bergan intervyusida aytilgani katta rezonansga sabab bo‘ldi.Nafratga yo‘g‘rilgan nutq biz uchun begona, millatlararo adovatni uning har qanday ko‘rinishlarida targ‘ib qilish nomaqbul va tushunarsizdir.
Biz barcha qozog‘istonliklarni adovat va ishonchsizlik urug‘ini sochuvchi provokatsiyalarga berilmaslikka, aksincha, farzandlarimizning buguni va kelajagi yo‘lida yurt tinchligi, xalq hamjihatligini saqlash va mustahkamlashga chaqiramiz, — deyiladi murojaatda.
Qozog‘iston Majilisi (parlament quyi palatasi) sobiq deputati Vladimir Bojko prokuraturani ushbu materialning ijtimoiy tarmoqlarda tarqatilishini tekshirishga hamda uning tayyorlanishi va nashr etilishiga aloqador shaxslarni qonun hujjatlariga muvofiq javobgarlikka tortishga chaqirgan.
Izoh (0)