Afg‘onistondagi ezgulikni targ‘ib qilish va illatlarning oldini olish vazirligi ayollar manfaatlari yo‘lida islohotlar bilan shug‘ullanuvchi bo‘lim yaratadi. Bu haqda vazirlik matbuot kotibi Akif Mohajirga tayanib TOLOnews xabar berdi.
Ushbu vazirlik Afg‘onistonda “Tolibon” harakati hokimiyat tepasiga kelganidan keyin tashkil etilgandi.
Mohajirning so‘zlariga ko‘ra, vazirlikning yangi bo‘linmasida ayollar ishlaydi. Bo‘lim qachon tashkil etilishi va unda qancha xodim bo‘lishiga boshqarma vakili aniqlik kiritmadi.
Mohajir vazirlikning yil davomidagi faoliyati to‘g‘risidagi hisobotini ham taqdim etdi: xususan, unga 2 mingga yaqin murojaat kelib tushgan, ularning “ko‘pchiligi ko‘rib chiqilgan”. Natijada 900 dan ortiq kishi ishdan bo‘shatilgan. Xususan, soqolini olgan yoki giyohvand moddalarni iste’mol qilganlar ishidan ayrilgan.
Vazirlik vakili, shuningdek, barcha muslima ayollar “juda tor va juda yupqa bo‘lmagan” hijob kiyishi kerakligini, muslima bo‘lmagan ayollarning kiyimlarini kiymasligini ta’kidlagan.
2022-yilning avgust oyida “Tolibon” hukumat tepasiga kelganidan keyin fuqarolarning hayotini tartibga soluvchi bir qator yangi qoidalarni joriy qildi.
Misol uchun, ayollarga an’anaviy afg‘on paranjilarini kiyish buyurilgan, shuningdek, uydan tashqariga zaruratsiz chiqish taqiqlangan.
Izoh (0)