Қозоғистон халқи ассамблеяси (ҚХА) республикадаги Украина элчиси Пётр Vрублевскийнинг русларни ўлдириш ҳақидаги баёнотларини қоралади. Тегишли мурожаат 23 август куни ассамблея сайтида пайдо бўлди.
Биз, Қозоғистон халқи ассамблеяси аъзолари Украинанинг Қозоғистон Республикасидаги элчиси жаноб Пётр Vрублевскийнинг қозоғистонлик блогерлардан бирига берган интервьюсида айтган сўзларини кескин қоралаймиз ва уларни номақбул деб ҳисоблаймиз. Тинчлик ва ҳамжиҳатлик давлат сиёсати ва жамиятни мустаҳкамлашнинг асосий тамойиллари бўлган мамлакатимизда бундай баёнотлар ким томонидан берилишидан қатъи назар номақбулдир, — дейилади мурожаатда.ҚХА аъзолари дипломатия нафрат ва адоватни қўзғатмаслиги, аксинча, тинчлик ва ҳамкорлик ғояларига хизмат қилиши зарурлигини таъкидлаган.
Кўп миллатли Қозоғистоннинг ягона халқи учун дўстлик, ўзаро ёрдам ва тинчлик тамойиллари мустаҳкамдир. Айнан улар мустақиллигимизнинг энг оғир йилларида ҳам миллатлараро низоларга йўл қўймаслик, ватанимиз, халқимиз яхлитлигини асраб-авайлашда бизга ёрдам берган.22 август куни Россия ТИВ расмий вакили Мария Захарова томонидан эълон қилинган видеода украиналик дипломатнинг имкон қадар кўпроқ русларни ўлдириш зарурлиги ҳақидаги гаплари акс этган. Бундай гаплар дипломатнинг қозоғистонлик блогер Диас Кузайировга берган интервьюсида айтилгани катта резонансга сабаб бўлди.Нафратга йўғрилган нутқ биз учун бегона, миллатлараро адоватни унинг ҳар қандай кўринишларида тарғиб қилиш номақбул ва тушунарсиздир.
Биз барча қозоғистонликларни адоват ва ишончсизлик уруғини сочувчи провокацияларга берилмасликка, аксинча, фарзандларимизнинг бугуни ва келажаги йўлида юрт тинчлиги, халқ ҳамжиҳатлигини сақлаш ва мустаҳкамлашга чақирамиз, — дейилади мурожаатда.
Қозоғистон Мажилиси (парламент қуйи палатаси) собиқ депутати Владимир Божко прокуратурани ушбу материалнинг ижтимоий тармоқларда тарқатилишини текширишга ҳамда унинг тайёрланиши ва нашр этилишига алоқадор шахсларни қонун ҳужжатларига мувофиқ жавобгарликка тортишга чақирган.
Изоҳ (0)