Bollivud aktrisasi Sonam Kapur ilk marta ona bo‘ldi (foto)

Bollivudning mashhur aktrisalaridan biri Sonam Kapur ilk marta ona bo‘ldi. U bu haqda muxlislariga 2022-yilning mart oyida ma’lum qilgan edi.

Ma’lumot uchun, Bollivudning millionlab muxlislarga ega aktyorlaridan biri Anil Kapurning qizi Sonam Kapur 1985-yilning 9-iyun sanasida Hindistonning Mumbay shahrida tug‘ilgan. Aktrisa oilada to‘ng‘ich farzand bo‘lgan, ya’ni uning Riya ismli singlisi va Harshvandxon ismli ukasi bor.

Sonam dastlab Hindistondagi maktabda tahsil olgan, keyin Singapurdagi kollejga o‘qishga kiradi va u yerda 2 yil tahsil oladi. Aktrisa Sharqiy London universitetida siyosatshunoslik va iqtisod yo‘nalishi bo‘yicha ham tahsil olgan. Aktrisa hind, urdu, marathi, panjobi va ingliz tillarini biladi.

Sonam Kapur  2007-yilda ilk dubyuti bo‘lgan “Sevimlilar” kinokartinasida suratga tushdi, u ushbu filmda Bollivudning yosh, iste’dodoli aktyorlaridan biri Ranbir Kapur bilan birga rol ijro etgan. Film Hindistonda muvaffaqqiyatsizlikka uchradi, ammo chet elda katta muvaffaqqiyatga erishdi. Sonam hind kino olamida bir qancha mashhur mukofotlarga, jumladan, “Eng yaxshi aktrisa” nominatsiyasi bo‘yicha Filmfare mukofotiga nomzod bo‘lgan. U 2009-yilda ijodidagi ikkinchi, ya’ni “Dehli 6” filmida rol ijro etdi, bu film ham kassada muvaffaqqiyatsizlikka uchradi, ammo tanqidchilar tomonidan olqishlandi.

Aktrisa 2018-yil taniqli tadbirkor, moda brendi egasi Anand Ahuj bilan turmush qurgan. U 2022-yilning mart oyida Instagram sahifasiga homiladorligi aks etgan suratini joylab, ona bo‘lishga tayyorgarlik ko‘rayotganini ma’lum qilgan edi.

Mavzuga doir: Bollivud aktrisasi Sonam Kapur birinchi marta ona bo‘ladi.