Болливуднинг машҳур актрисаларидан бири Сонам Капур илк марта она бўлди. У бу ҳақда мухлисларига 2022 йилнинг март ойида маълум қилган эди.
Маълумот учун, Болливуднинг миллионлаб мухлисларга эга актёрларидан бири Анил Капурнинг қизи Сонам Капур 1985 йилнинг 9 июнь санасида Ҳиндистоннинг Мумбай шаҳрида туғилган. Актриса оилада тўнғич фарзанд бўлган, яъни унинг Рия исмли синглиси ва Ҳаршвандхон исмли укаси бор.
Сонам дастлаб Ҳиндистондаги мактабда таҳсил олган, кейин Сингапурдаги коллежга ўқишга киради ва у ерда 2 йил таҳсил олади. Актриса Шарқий Лондон университетида сиёсатшунослик ва иқтисод йўналиши бўйича ҳам таҳсил олган. Актриса ҳинд, урду, маратҳи, панжоби ва инглиз тилларини билади.
Сонам Капур 2007 йилда илк дубюти бўлган «Севимлилар» кинокартинасида суратга тушди, у ушбу фильмда Болливуднинг ёш, истеъдодоли актёрларидан бири Ранбир Капур билан бирга рол ижро этган. Фильм Ҳиндистонда муваффаққиятсизликка учради, аммо чет элда катта муваффаққиятга эришди. Сонам ҳинд кино оламида бир қанча машҳур мукофотларга, жумладан, «Энг яхши актриса» номинацияси бўйича Filmfare мукофотига номзод бўлган. У 2009 йилда ижодидаги иккинчи, яъни «Деҳли 6» фильмида рол ижро этди, бу фильм ҳам кассада муваффаққиятсизликка учради, аммо танқидчилар томонидан олқишланди.
Актриса 2018 йил таниқли тадбиркор, мода бренди эгаси Ананд Аҳуж билан турмуш қурган. У 2022 йилнинг март ойида Instagram саҳифасига ҳомиладорлиги акс этган суратини жойлаб, она бўлишга тайёргарлик кўраётганини маълум қилган эди.
Мавзуга доир: Болливуд актрисаси Сонам Капур биринчи марта она бўлади.
Изоҳ (0)