Ukraina prezidenti Vladimir Zelenskiy Mariupolda ukrainalik harbiy asirlar ustidan “sud” o‘tkazilsa, Kiyev va Moskva o‘rtasidagi muzokaralar imkonsiz bo‘lishini aytdi. Avvalroq u Ukrainaning Rossiya nazorati ostidagi hududlaridan rus qo‘shinlarining olib chiqilishini muzokaralarni qayta boshlash sharti deb atagandi.
Agar barcha kelishuvlarni, xalqaro qoidalarni buzgan holda odamlarimiz ushbu manzaraga olib kelinsa... har qanday muzokaralarni imkonsiz qiladigan chiziq tortiladi. Rossiyaning o‘zi o‘zini muzokaralardan uzadi. Ortiq hech qanday gap bo‘lmaydi. Davlatimiz hammasini aytgan”, — dedi Zelenskiy videomurojaatida.Rossiya va DXR rasmiylari ukrainalik harbiy asirlar ustidan sud jarayonini o‘tkazish rejalari haqida rasman e’lon qilmagan, bunday ma’lumotlar bir qator Ukraina va Rossiya ommaviy axborot vositalarida, shuningdek Telegram-kanallarida paydo bo‘ldi. Life nashri Mariupoldagi filarmoniyadan video e’lon qildi, unda go‘yoki “azov”chilar ustidan tribunalga tayyorgarlik ko‘rilmoqda. Bu haqda drama teatri aktyori Damir Suxov ham “Argumentlar va faktlar” nashriga ma’lum qilgan.
May oyida Rossiya va Ukraina delegatsiyalari o‘rtasidagi muzokaralar to‘xtatilgan edi. 21-avgust kuni Rossiyaning Jenevadagi BMT bo‘limi va boshqa xalqaro tashkilotlardagi doimiy vakili Gennadiy Gatilov tomonlar o‘rtasida, jumladan, prezidentlar darajasida aloqa o‘rnatish imkoniyatini ko‘rmayotganini aytdi. Uning fikricha, Ukrainadagi mojaro qancha uzoq davom etsa, diplomatik yechimga kelish shunchalik qiyin bo‘ladi.
Izoh (0)